京都摩利支尊天堂 – 天堂有隻豬？

京都貴為日本古都，神社同寺廟多到7仔咁，總有一間喺左近。話說小編喺花見小路左行右行，想睇下見唔到啲貎美如花嘅藝妓，點知唔覺意走入左間廟，花就見唔到，豬就有幾隻！唔通呢間廟係豬八戒開嘅，要黎供奉佢啲fd？

睇清楚啲，廟內很多的大燈籠都寫著「摩利支尊天」。上網問一下google神，原來摩利支天是其中一個菩薩，是隱身和消災的保護神。據說此天來頭極大，上管三十六天罡星，下管七十二地煞星，二十八宿皆為此天所管，甚至統御所有太歲星君，能救芸芸眾生於水火之中！

但係菩薩同隻豬又有乜野關係呢？據說摩利支天菩薩是乘著一架由7頭豬或9頭豬拉的車跟著太陽奔走，所以豬就成為菩薩的守護使。唐三藏亦譯過一段佛經指：『摩利支天手下的金豬，是她的御士，守護人於王難、賊盜、行路、迷途、畫夜、水火、鬼魅侵擾、毒藥……』嘩，原來隻豬咁勁架！

在摩利支尊天堂內除了繪馬，連籤文都做成小豬模樣，可惜小編當時不知道，沒有求上一個來玩。（殘念中…）

摩利支尊天堂是京都最古老的禪寺建仁寺的附屬寺廟。建仁寺已有八百年歷史，清心寡欲的寺廟座落在花街柳巷之中，果真色即是空？

---

摩利支尊天堂

旅遊難易程度

全部平地，零難度。

遊覽時間

地方不大，大概半小時已可逛完。

地址

京都市東山區大和大路通り四条下る4丁目小松町146

交通

1. 京阪電車「祇園四条駅」徒歩 7分鐘
2. 阪急電車「河原町駅」徒歩10分鐘

開放時間

上午9時至下午5時

年中無休

官方網址

http://www.zenkyoan.jp/

---

【日本旅遊】

【京都】伏見稻荷大社 – 大婆止步的狐狸廟？

【京都】美秀美術館 – 尋找桃花源

【京都】東映太秦映画村 – 與孩子一起玩轉古代

【京都住宿】宇多野青年旅館 – 櫻花樹下250元宿一宵