不知現時小學生的秋季大旅行是去哪兒，但筆者小時候就不知去了多少次城門水塘，導致往後好大段日子想起城門水塘就想起小學雞。
想不到許多年後，再次踏足這水塘，卻像發現隔離屋阿珠女長大了般，原來，都生得幾靚架播！
或者阿珠女由細到大都係咁既樣，係我細個時唔識欣賞…
同香港好多行山徑一樣，城門水塘上下左右東南西北都有伸延路徑，但筆者是行山小學雞，只係識得舒舒服服的沿住水塘行一周，零難度最驕傲。
其實水塘都有幾十年歷史，始建於1923年，1936年落成，時值英皇登基25年，故水塘又名銀禧水塘。
由於謝安琪曾在此拍攝《山林道》，很多人來此尋找白千層。個人覺得白千層林有點像台灣的忘憂森林，塘水滿溢時，倒影處處；水少之時，白千層樹根卻又帶點蒼涼孤寂。
我只盼這裡有天 變回樹 撤回路
疏忽了 趕快去補
趁還未老
遺落美好枝葉 換到好前途 皆負數
無謂到所有樹枯了 才環抱
遊覽時間
3小時（適合一家大小同遊）
交通方法
- 荃灣(兆和街)乘82號小巴便可到達城門水塘。
- 假日可乘坐94S小巴由如心廣場上山。
