【細味‧港景】西環泳棚—任何天氣都有好風景

swimming2

我打卡故我在。放假去行水塘又好,上大東山又好,最重要都係影相鋪上fb、IG等地呃like至實際。但大東山難度唔低,水塘最低消費都要三粒鐘,而且此等地方女神唔可以着到靚靚咁去,萬一遇上天氣唔好,辛辛苦苦行到去影唔到靚相真係嘥鬼氣。

位於西環的「鐘聲」泳棚或者係一個例外。呢度可以搭巴士,落五分鐘樓梯就到,就算搭地鐵,都係行二十分鐘就到。腳程成本絕對超低。

交通

  1. 地鐵:由堅尼地城依海邊起行,行 20 分鐘到達廢料轉運站,沿著上斜路就會發現有兩條下山樓梯,皆通往泳棚。(見過有個地鐵網頁話四分鐘,唔好信…)
  2. 中環:乘58號小巴同司機講泳棚有落。
  3. 九龍:乘搭971到域多利道明愛賽馬會宿舍站落,下車後過馬路向山下走數分鐘便會見到下山樓梯。

而最重要既係,無論係晴天、陰天、黃昏…都可以影到靚相(拍攝技術唔好幫唔到你…)唯一問題係:假日這裡隨時多人過旺角,排隊行出去木橋上影相最低消費都要三、五十分鐘。

講左咁耐,都要講返小小歷史。宜家去游水唔係泳池都係沙灘,你問十個有十一個話你知未去過泳棚游水,要不是「鐘聲」泳棚這兩年興起,可能好多人唔知原來以前啲人係去泳棚游水既。

在還未有公眾泳池的年代,一般人可能只能去沙灘游水。但沙灘唔係7-11,唔會喺正你屋企左近,但香港周圍都係海,好多人去到海邊就咁就跳落去游……久而久之,就有人喺岸邊起啲淋浴間、儲物櫃等,方便游泳人士,有啲仲會起埋橋仔,方便泳客下水。

其實早於1911年,北角的七姊妹海邊已經有泳棚,後來越開越多,西環、荔枝角等地都有,荔枝角仲有船仔撐。可惜因城市發展,這類泳棚逐漸被拆,現在只剩下西環這個泳棚。

筆者當日去到,除了比旺角更多的人潮外,還有一團外國遊客,看來泳棚已經有名聲在外!由於泳棚不遠處已有船隻經過,往往掀起浪潮,所以若能帶來腳架影相,可以拍出超美效果。但另一方面,大浪也令泳棚有點危險,各位還是小心至上。至於在這兒泳了數十年水的公公婆婆,只見他們在冬日都無懼寒風、無懼海浪,一下子下水已不見蹤影,有如神龍見首不見尾了!


【香港旅遊】

wahfu

【南區】瀑布灣—屋企樓下的美景

※我們盡力確保網站內圖文的資料和版權正確性,若資料或版權訊息有誤,請來信留言告知,我們會儘快修改。若是你我們反對使用,我們會儘速移除相關內容。

分類:行山/郊遊, 香港, 快閃放空(1小時來回)標籤:, , , ,

gogogo18

從小覺得自己該存在魔幻國度, 一不小心誤墮紅塵, 有去無還, 只好浪蕩世間, 尋找人生背後的秘密.

1 則迴響

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s