藍地水塘漸受歡迎，小編每次去到總聽到有人說：「好靚呀！好靚呀！」由於藍地是一個漏斗型的蓄水庫，前窄後濶，望進源頭煙煙渺渺，就算忽然有個古人走出黎吟詩也不希奇。無風既時候，樹木嘅倒影甚至不比流水響遜色！
唔駛做古人、唔駛逼小巴，普通山友也可以走到仙境的源頭。今次老編從屯門置樂出發，經麥理浩徑第十段上屯門徑，經過虎峽谷，再經行者池到藍地水塘！
一般人上屯門徑會經景峰花園或何福堂上，但小編今次從置樂出發，由凱德花園旁上山，去到明愛李嘉誠安老院就轉右，好快就到華發遊樂場。遊樂場細細地，但直行就可以接駁到麥理浩徑第十段喇！
麥理浩徑第十段據說是最好行的一段，從華發遊樂場大概走二十分鐘就可以到達麥理浩徑第十段的燒烤場。然後再往左走，大概再走廿多分鐘就可以到達屯門徑。
沿着屯門徑向上行，到了第一個分叉口就會見到一個寫着「虎峽谷」的石頭（其實都有少許甩色…）這兒就是屯門徑二段，亦是離開鋪砌得整整齊齊的行山徑，踏進有點山路感覺的山徑。
2021年編按：虎峽谷一字已不見，有關方面豎立咗好多牌在路口，行過路過應該唔會錯過⋯
為何這兒叫「虎峽谷」小編查問了谷歌大神也答不上，也許從前真是有老虎出沒也不出奇。不過現在整天人來人往，老虎都唔想俾你見。（唔通老虎岩仲有老虎咩～）
屯門徑二段是未有修飾的山路，不過沒有太大石塊沙地，基本上十分易行。由於沒有叢林，感覺頗為開揚。
走大半個小時，就可以到達東升亭。這個小亭亦是一個分叉口，有三條路徑：左邊可以上山，右邊下山回屯門徑若夢園，前行則到虎地村，也是我們的目的地。
過了東升亭基本上全是下山路，途中的植物頗有趣。
大概多走一小時便會到達行者池。這是一個小巧精緻的池，夏天時，可找三五知己一起嬉水，不過多人就容納不下了。但由於池邊深淺不一，形成了深深淺淺的青與綠色，又平添一份仙氣～
其實行者池可以說是藍地水塘的源頭，再往前走半小時就可以見到水塘。
半途中有一小分叉路可以走到水塘邊，發現有人把塘邊小小地方整理得可坐可睡，夏天到此小休也很爽。
終於回到水壩，回望剛才走的路，一步一步似很踏實，原來旁人看來已是身在仙境。
經過水壩到達藍地水塘的另一邊，經過一些小形耕地，便有路通出石礦場，可以行去藍地大街或到富泰。
需時
2.5-3小時
難度
2.5星
另一途徑行藍地水塘
分類：行山/郊遊, 香港, 輕鬆行山（3小時以內）
1 則迴響