溝,係指溝通個溝⋯

好多人一聽「衛斯理」呢個名就話:寫外星人嗰啲科幻小說丫麻。(外加小小嫌棄不屑,潛台詞係香港人邊寫得出乜嘢科幻小說丫!)

所以佢同衛斯理唔係老友~

係,衛斯理係撞過好多奇形怪狀既外星人,怪到連今時今日嘅荷里活都未想像到/拍到出嚟,唔好問我係咩形態,要睇自己睇《天外金球》、《老貓》、《雨花台石》、《運氣》等小說。至於拍得最多亦被改編得離哂大嫂的《藍血人》係早期之作,好睇不在於藍血人身份,而係佢發現家鄉嘅人已經被病毒感染致成為白痴,但佢仍然要返去⋯嗰種異鄉人既感受。

藍血人寫於七十年代,倪匡逃到香港後回望經歷了大躍進、文化大革命的國內人士,會否就像方天看獲殼依毒間的同鄉一樣?

其實幾廿年前衛生被創作出嚟時,笨唔係溝外星人的。呢個識得Chinese功夫、精通全世界各地語言(嗯,應該有三、四種唔係咁熟)、識得整容級嘅易容術(只比阿朱差小小),仲曾經打擊過意大利黑手黨、獲得聯合國幾廿個國家簽發通行證又唔係under事頭婆的港版James Bond,原本只係做下二五仔同二世祖的。

後來寫下寫下,越來越奇,而有乜好過將所有解釋唔到嘅嘢推哂俾我地唔識嘅空間同人種?

但衛斯理當然唔係咁簡單!

有人話佢啲科幻唔科學喎……你咁鍾恴拎住本physics嚟睇小說不如溫書算啦~唔通你睇《鹿鼎記》時又話建寧唔係康熙個妹於是唔睇咩~無錯,佢嘅小說良莠不齊,特別係後期真係伏到一個點。但係你估佢嘅fans係傻的嗎?當然係有好多估你唔到嘅idea啦~

下篇,嚴選筆者最愛五大有外星人同五本無外星人既衛斯理小說!

【細味‧港文】嚴選筆者最愛五大無外星人同有外星人的衛斯理小說!