【細味‧港地】大澳虎山—微雨也能行山(II)

天氣不似預期這句話真的好用,尤其用於行山時,總有時㨂過日子睇好天氣報告才出門,然後一下子風雲變色,喊都無謂。今次老編就在晴朗的一天出發,淒風苦雨中收隊。

話說,唔係,係傳說中的大澳虎山又易行又靚,係打卡呃like的姣啲防。於是慣咗由東涌行入大澳的老編,今次諗住輕輕鬆鬆鄧梓峰咁搭船入大澳,行個BB級難度既山(老人家唔捱得)呃吓飲呃吓食又一day。

入大澳有好多種方法,除咗學古人咁行之外,仲可以喺東涌或梅窩搭巴士、中環或屯門搭船入。

fullshan-00.jpg

屯門碼頭每日有四班開往大澳的船、星期六、日及公眾假會開多幾班。但始終班次疏,想用呢個方法入去嘅朋友最好先上網睇睇船期,仲要預早小小買飛,因為船仔細細,好快就滿。

屯門入大澳的船會經東湧、沙螺灣再到大澳,全程約一小時。如果可以坐在船頂看著藍天白雲進發,真是心曠神怡。可惜老編當日由屯門碼頭出發時仲藍天白雲,到沙螺灣時天色已變灰,變臉速度快過變節小人。

上了碼頭,沿著大澳永安街,到了分叉路向左走,過那條核爆唔知會唔會爛的大橋,繼續向大澳街市進發。

fullshan-0.jpeg

fullshan-1.jpeg

經過街市繼續向前行,大概十分鐘左右就到達少林寺,無錯,係少林寺,不過無18銅人喺度,可以放心行過路過。

fullshan-4.jpeg

喺少林寺左邊有一條小路,行入去就會見到上山的梯級,一路上就係虎山喇!

虎山整條山路都鋪上了石塊,加上扶手,十分好行。由少林寺上到「山頂」大概只需十五分鐘左右,真的快過打針!

fushan-11.jpg

雖然山仔細細,但由於大澳附近的山頭也是矮矮細細的,沿路也可以眺望到大澳遠處的景色。

fullshan-7.jpeg

樓梯的盡頭本來有一個頗為開揚的小平台可以讓人暫停腳步,駐足眺望四周美景,可惜無厘頭地放了個海豚雕塑,話佢醜唔算,但藝術內涵近乎零,卻佔據了最好的觀景位置,實在多餘兼無聊。

fullshan-8.jpeg

傳說這兒看日落配上紅色扶手是勁靚,不過當天下著微雨兼大風,日光晚霞沒有、紅色扶手望上去瘀血一片……

fullshan-9.jpeg

IMG_0863.jpg

IMG_8174.jpeg

大澳虎山實在易行又方便,是適合男女老幼郊遊的好地方。但如果一心想拍美照呃like的話,就了有心理和技術準備。事關天氣隨時不似預期:好景不會每日常在,而IG/FB上的美照,除了配合天時地利老天爺眷顧外,或多或少也要filter相助,才能成功呃like。

IMG_0858.jpg

或者就好似做人咁,那怕你是父母計好時間讓你贏在出生前起跑線,還是少年得志風光無限,年輕時總會以為前面還有很多十年可以揮霍、還有很多高峰可以攀上,甚至喜馬拉雅山也不放在眼內。卻不知沒有人甚至神能保證天色常藍,就在躊躇滿志、意氣風發之時,出人意外的世道、天災、人禍甚至人猿襲地球你估佢唔到的事殺你一個措手不及,一刻的光輝也許已是頂峰。再回頭,不到百年也已大半生。

不過,沒要緊,或許此生攀不到喜馬拉雅山,看不到大地在你腳下、白雲在身邊飄浮的美景,仍然可以登上虎山這小峰。其實喜馬拉雅山雖然比虎山高上十倍,卻看不到自甘墮落oops,係自甘落海的港珠澳大橋這種有趣景緻。或許,當你不再追逐萬人景仰的掌聲,轉而欣賞握在手中的美麗,你已不再輕狂年少,甚至懂得為自己戴上薔薇色的濾鏡,讓平凡的人生也變得IGable。

大澳虎山

需時

0.5小時(慢行連拍照1小時)

難度

0.5星(1星最易,5星最難)

起點交通

  1. 東涌乘11號巴土
  2. 梅窩乘1號巴士
  3. 中環/屯門乘船

其他行山路徑

tungo

【細味‧港地】從屯門走到元朗,看港版千島湖—沒有唾手可得的幸福

分類:行山/郊遊, 香港, 快閃放空(1小時來回)標籤:, , , , , ,

gogogo18

從小覺得自己該存在魔幻國度, 一不小心誤墮紅塵, 有去無還, 只好浪蕩世間, 尋找人生背後的秘密.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s