老編今次同大家行一個BB級難度但有世界級風景既山:大帽山。貴為香港最高的山峰,大帽山有成957米咁高,點會係BB級難度呀?其實上大帽山有好多路線,但老編揀咗最簡單的,先搭巴士上一半,不但易行好多,仲要全程石屎路斜路,大人小朋友都行到!

事不宜遲,去相!

上大帽山簡易路線介紹:

於荃灣西鐵站乘搭51號巴士,於「郊野公園」下車,下車後往左手邊走。

不用五分鐘便會見到「大帽山效野公園」的木牌,向山上走便是了。

上山不久便會到達一片空地,有一間石屋,之前是蓮姐經營的小食亭,現在已搬到新址了。

蓮姐搬進了新設的大帽山郊野公園遊客中心,位置絕不開揚,相信她的生意亦會打折扣,有心支持蓮姐的朋友,不妨多走兩步,入內示持她。

之後便是沿著車路一直上。

沿途也見一些廢屋,很適合拍些文青照。

老編到訪是去年3月,樹木有紅有綠,很有活力的感覺。有時未必一定要紅葉才好看的。

相信因為風大,山上沒有太大的樹木,所以一片開揚,令人心曠神怡。

腳下便是香港各區景色,有人在此架起帳幕,真寫意。

青馬大青馬大橋也看得清楚。

這兒也種有芒草,相信在適合的季節可以看到金黃一片。

紅葉打卡路線:
【細味‧千島湖】港版千島湖,從屯門走到元朗,睇湖景再偶遇芒草與紅葉
【細味‧紅葉】青衣公園—教你從地鐵站10分鐘睇落羽松紅葉

到了這裏一是往右行,往鉛礦坳方向下山,或是原路折返,老編就選擇了原路折返,輕輕鬆鬆完成旅程。

據說大帽山又名白果山,因為海拔高,又無遮擋,很多人會來看日出日落、雲海銀河,但卻因天氣變幻莫測隨時想嗰樣無嗰樣,最近仲多咗啲唔係咁靚既風景添。但其實影相同做人一樣,做好準備,準備既項目除了睇天氣還包括一顆平常心,影到固然好,影唔到都無蝕到,咁就會開心啲。始終相信好景雖不會每日常在,但總有等到既一日!堅持,就有希望架喇!

交通
荃灣西鐵站51號巴士(有心理準備班次較疏,雖有九巴app,但有時盡信app不如無app,因為佢話嚟又唔嚟。)

所需時間
約4小時(包來回及拍照)

難度
由於全程走馬路,而且攀升斜度不高,老編在不知不覺已經去到最高處,實在不需要太多的技巧,反而是體力要求較多,但相信一般行山新手也可以應付。不過雖然容易,但都係嗰句,凡事量力而為,有唔舒服就要休息,切勿逞強呀!

老編細個既時候,同好多香港人一樣,覺得香港除咗個太平山頂就無咩風景好睇,一心只係想向外闖,試過仲白痴到見到旅遊景點放張雲海相出嚟,就以為上到個山一定見到雲海⋯⋯結果當然雲海同陳雲海都見唔到啦~直至近幾年興起本地旅遊,老編才驚覺,湖光山色甚至雲海銀河並非外國才有,只要有心,香港很多地方都可以看到不輸外國的景色,是十分IGable的,所以,香港真係好靚架!

其他香港行山路線

tungmui拷貝
【東梅古道】捉緊當下每個微細的小確幸