冬天就梗係睇紅葉啦! 無得去日本都想喺香港睇吓。 不過一啲熱門既紅葉景點如元朗楓香林或流水響都山長水又遠, 想輕輕鬆鬆打下卡有無啲好方法? 當然有啦, 落咗車10分鐘就可以到去打卡, 係唔係最實惠既呃 like 之選呢? 老編講緊既就係 青衣公園喇。 青衣公園 位於青衣地鐵站旁, 就算未有紅葉睇, 平時都係 hea 遊既好地方。

青衣公園 路線:

喺青衣地鐵去青衣公園,網上有人話B出口,有人話C出口。 其實兩個出口都得,不過老編就覺得B舒服啲,一來係官方路線,而且全程喺商場內行,順便可以濕吓平。

青衣地鐵站

地鐵站內有大大隻字指示, 但一入咗青衣城竟然無咗指示, 呢個時候就要本著不要問只要信的心情, 繼續向前行。

青衣城

一路直行,3分鐘左右會到商場的 Customer Service, 這時要轉右繼續行 。

青衣城

這時老編的感覺有點兜返回頭路, 兩旁仲要連舖頭都無埋, 都有少少遲疑。 但只要堅持繼續行落去, 出路就喺盡頭! 相中的亮光處就是一道連接商場與公場的天橋!

往青衣公園

見到天橋, 過馬路行落去就係喇! 係唔係好快到呢 ?

落了天橋, 基本上不用指示便看到公園入口。 未走到大閘已經見到幾株變紅了的大樹, 唔駛問啲樹喺邊度。

青衣公園

其實青衣公園最出名呢段「紅葉林」並唔係楓香林嘅楓葉, 而係名為落羽松既杉樹。 所以如果真係抱住「好似去咗加拿大睇紅葉」 咁既心情過嚟, 就會有啲落差。 不過喺香港見慣常綠樹, 到了冬天仍然滿街綠葉, 所以見到變紅了樹林, 還是有種莫名的喜悅。 而且幾乎每個周末, 總是見到一家大細, 或拍拖情侶前來拍卡遊玩, 四周充滿著開心的氣氛, 心情也格外愉快起來, 又何需理會佢係邊一種紅葉呢?

青衣公園
青衣公園

而且近睇, 落羽松有另一種美態架!

青衣公園

除咗呢個水池, 青衣公園仲有兩個小水池, 都好 呃likable 。

青衣公園

如果真係好想睇紅楓葉, 就唔好堆喺池邊, 行多兩步, 走上小丘, 嗰度有幾株楓葉, 又有另一種風情架。

青衣公園
青衣公園

青衣公園

需時

1小時

難度

0星 ( 1星最易, 5星最難 )

交通

青衣地鐵站B出口步行10分鐘

青衣公園

感想

以方便程度, 青衣公園是觀紅葉的首選。 但卻由於太近市區, 在拍攝時往往有屋邨為照片加料, 每一刻都在提醒你這兒是市中心, 別以為去了外國。 不過, 如何在縫隙中尋找美好, 相信已經成為香港人的「新常態」。 願你也能享受這小小的樂趣!

亦希望有關當局可以考慮把相同品種的樹木聚在一起種植( 首推白色或粉紅色的宮粉羊蹄甲 ),簡單又能搏大眾歡心⋯⋯ 香港人其實好易 tum 的。

青衣公園

冬打卡點

【細味‧港景】鹿頸到谷埔 – 秋季限定,零難度看黃金蘆葦田
【細味‧港地】大東山—Taste the 芒草phere