屯馬開通真的很興奮…… 唉， 屯門成日被人笑有牛， 好似真係仲有村姑牛屎仔咁。 好在近年有不少影視作品都有拍到屯門， 特別係 屯門碼頭 嘅靚景， 吸引到更多區外人入嚟打卡。 最出名都要算係《 Error 自肥企劃 》 裡面既兆禧運動場同《 幻愛 》入面既海濱長堤， 打卡 IG 度十足。 但原來佢地係左鄰右里， 過條馬路就到， 一個鐘就可以打哂卡， 唔夠喉既仲可以去埋蝴蝶灣呢個個有點異國風情的沙灘添！
終於發現， 屯碼風景真的很吸引～～
第一站：自肥運動場｜兆禧運動場
第二站：《幻愛》長堤｜屯門海濱公園
同場加映：蝴蝶灣海灘
第一站：自肥運動場｜兆禧運動場
《 Error自肥企劃 》第二集裏面色彩繽紛的運動場就係兆禧運動場。 原本的運動場已建成多年，但於 2020年 7 月時進行了大翻新， 從原有的籃球及網球場化身成為多功能運動場，更 增設平衡車賽道、 緩步徑等設施。
【快閃放空】青衣公園—10分鐘睇紅葉
【快閃放空】瀑布灣—屋企樓下的美景
前往兆禧運動場方法：
乘搭 59M 、 59X 或 59A 巴士到屯門碼頭總站， 或乘屯馬線到屯門再轉 507 綫輕鐵到屯門碼頭… 總之用你既方法去到屯門碼頭既海翠花園先啦！
搭扶手電梯上海趣坊。
穿過天橋到達兆禧苑商場， 在天橋上第一個分叉口向右轉， 轉入停車場。
向前走會見到兆禧運動場的指示， 跟著指示上到天台， 便是運動場了。
隨了色彩繽紛， 地面的文字也散發令人愉快的氣氛。
普通的樓梯， 只要花點心思髹上不同顏色， 也會變得很吸引。
兆禧商場的地下被改裝成兆禧食坊， 在運動場無論是做完運動或打完卡， 都可以到食坊吃點東西。 這兒的有蓋戶外空間也裝修得頗有趣味。
屯門徑 – 經彩虹欄杆到藍地水塘
屯門徑 – 從屯門徑走到元朗，睇千島湖景再偶遇芒草與紅葉
屯門徑 – 景峰經彩虹欄杆到黃金海岸｜不走回頭路，盤點三大打卡位
第二站：《 幻愛 》長堤｜屯門海濱公園
《 幻愛 》於屯門取景， 屯門牛當然睇得投入， 就算唔係牛牛都覺得屯門原來可以又日系又浪漫！ 除了正方形公屋與有如日本鐵路的輕鐵， 相信很多電影迷最有印象的就是電影海報這座燈塔。
前往 屯門碼頭 海濱花園方法：
又係首先用你嘅方法去咗 屯門碼頭 先， 然後面向海轉左直行， 就係屯門海濱公園喇。
沿途一直有樹蔭，就算陽光普照，都行得好舒服。
一邊行海堤一邊可以欣賞無敵海景， 不同時間亦可看到不同款式的日落。
海堤盡頭就是燈塔， 但往往有不少人在釣魚、 打卡、發呆…… 要拍到無人的燈塔比較有難度。
同場加映：蝴蝶灣海灘
蝴蝶灣海灘看似一個普通的海灘， 但附近的花園無論是設施或是樹木栽種都很有心思， 一恍眼以為置身外國公園中， 甚有異國風情。
前往方法：
行完《 幻愛 》長堤後， 繼續向前行。 經過海趣坊後會途經啟豐商場， 這兒有數間食肆擺放了枱椅可以戶外進餐。 雖然海傍設計令人在海邊用餐卻無法看到海… 但在秋冬時份坐坐， 也是很愜意的！
沿途同樣充滿樹蔭。
走到末段經過美樂花園， 小小草地配上樹木很舒服感覺。
巨大的松樹， 在香港確不常見， 忽然置身外國！
忽然又見幾棵椰木樹影， 熱帶風情。
其實長堤、 運動場、 沙灘都不是甚麼驚天地的景點， 只是因為有點話題， 這些圍繞在身邊的小事被提出來， 才會突然變得珍貴。 有時覺得人亦一樣， 或許會以為自己只是一個無甚特別的普通人， 但如找到真正適合自己的路， 你亦會拼發出讓人刮目相看的花火！
【細味‧芒草】伯公坳到大東山—嘆日落芒草美景
【細味‧大帽山】大帽山 – 輕鬆上山在世界級風景下打卡
按此瀏覽更多三小時以下的輕鬆途行山路徑