小時候到烏溪沙一定是去旅行燒野食,但隨著鐵路開發,馬鞍山至烏溪沙一帶已成為不少人居住的地方。往好處看,一些從前覺得很難到達的地方,話咁快就去得到。今次介紹的就是距離地鐵站不到 15分鐘腳的渡頭灣村沙灘,沙灘不算大,有時心情唔好時搭一程地鐵過嚟放空,望吓天望吓海吹吹風,心情都可以放鬆不少。

到渡頭灣村交通

搭乘地鐵屯馬線到烏溪沙站,在A出口出閘。

經過行人天橋走入迎海薈。

穿過迎海薈的中庭,到另一邊行人天橋。

在玻璃蓋行人天橋向前走,這條天橋主要接駁迎海各座入口,旁邊種有植物及擺了一些裝飾,算頗舒適。不過對於我這種喜歡腳踏實地的老土人士來說,還是較喜歡走行人路。

大概 6分鐘就到了天橋盡頭,乘電梯或行樓梯到耀沙路,左轉向西行。

【細味‧屯門】屯門徑 – 經彩虹欄杆到藍地水塘
【細味‧港地】屯門菠蘿山—行走港版迷你大峽谷

在第一個路口轉入一條小路,沿著小路走,3分鐘左右便到渡頭灣村。

渡頭灣村是馬鞍山內現存的唯一漁村,不過大部份漁民已退休,在此經營士多。叫得做渡頭灣就梗係有渡頭啦,不過個渡頭拆咗好耐喇。五十年代有船來往渡頭灣與大埔元洲仔,六十年代有油麻地小輪來往十四鄉、渡頭灣及馬料水。後來陸路交通發達,渡頭漸漸失去作用,日久失修,最終被拆掉。

【細味‧鹿頸】鹿頸到谷埔 – 兩小時來回,零難度看黃金蘆葦田
【細味‧大澳】行東澳古道,看沙螺灣雕塑

雖然無咗渡頭,但遊客來到仍到租獨木舟、舢舨遊玩,燒嘢食或簡簡單單地放空望海,都很舒適寫意。

這海灣對面是中文大學校園,亦是觀看日落的好地方。

烏溪沙渡頭灣村

需時
來回路程半小時

難度
0星(1星最易,5星最難)

交通
屯馬線烏溪沙站A出口步行15分鐘

其他快閃行程

【細味‧港地】樂富配水庫休憩公園—15分鐘走到青草地看獅子山
【細味‧港景】京士柏山 – 5分鐘油麻地快閃入深山