好多人假日都喜歡去 川龍飲茶 , 但其實有特色的茶樓多的是, 點解要山長水遠去到咁隔涉既川龍呢? 又點解去到一定要食西洋菜?

跟據維基資料,原來香港同雲南出產茶葉的地區緯度相近, 所以估計 20 世紀初, 大帽山的川龍居民曾以種茶為生, 不過在 1920 年代後茶園已經荒廢。 到了五十年代, 政府禁止於旺角種西洋菜, 一些村民便嘗試在川龍種植西洋菜。 由於水源溫度等得宜, 能種出優質的西洋菜。 咁新鮮又係本地出產既西洋菜, 唔係度度有得食, 山長水遠去到川龍飲茶都值得啦~

不過雖然川龍現時仍有農夫耕種, 但由於後繼無人, 未來也許有失傳危機, 所以有得食就要支持吓喇~

川龍

【細味‧荃灣】川龍至荃灣市區 – 飲完茶輕鬆落山睇荃灣美景

去 川龍飲茶 的交通方法

川龍位於大帽山腰, 可駕車前往, 或於荃灣地鐵站上蓋乘 51 號巴士於川龍村下車, 又或者在荃灣地鐵站 B1 出口, 過天橋到兆和街乘 80 號綠色小巴直達總站。

川龍小巴
川龍飲茶

嘆大帽山腰的「自助餐」

無論乘巴士或小巴, 下車便可以看到兩間茶樓 「端記」 和 「 彩龍」 。 這兩間茶樓的運作大同小異, 都是 「自助餐」 形式。 所謂 「自助餐」 是全部自己幫助自己, 從搵位、 拿碗筷茶具, 到揀茶葉沖茶、 取點心, 都是靠自己!

端記茶樓

端記茶樓有兩層, 如果不介意時常要上上落落拿餐具點心, 樓上的風景絕對吸引。 而且此處乃香港碩果僅存的「 雀鳥茶居 」, 還偶有一、 兩籠雀鳥掛近天花, 很有舊茶樓味道。

川龍飲茶 端記茶樓
川龍飲茶 端記茶樓
川龍飲茶 端記茶樓
川龍飲茶 端記茶樓

到端記飲茶必須留意時間, 端記的營業時間是早上六時至下午二時, 而吃點心的黃金時間為早上八至十時。 小編當日下午一時多才來到, 好處是輕易坐到最好風景位置, 壞處當然係無乜嘢心剩, 西洋菜更早已售罄, 只能有乜食乜。

川龍飲茶 端記茶樓

【細味‧飲茶】茶盅—那漸次消失在歷史裏的日常

端記茶樓

地址: 荃灣荃錦公路川龍村 57-58 號
電話: 2490 5246( 不設訂座 )
營業時間: 星期一至日早上 6 時至下午 2 時 ; 不做晚市
特色食品: 鵪鶉蛋燒賣、 雞球大包

彩龍茶樓

地址: 荃灣荃錦公路川龍村 2 號
電話: 2414 3086
營業時間: 星期一至日早上 6 時至下午 3 時
特色食品: 芝麻卷、 鵪鶉蛋燒賣

川龍飲茶 端記茶樓
川龍飲茶 端記茶樓

到川龍飲茶, 沒有優美到可以打卡的裝修, 點心也是一般常見的味道, 服務甚至要全自助⋯⋯ 但在香港仍然吃到自家種植的蔬菜、 還有鳥籠風情⋯⋯ 時間彷彿在此被定了格。 就算只是一個簡單的地方讓親友共聚一堂, 已經值得珍惜。

行完山有乜嘢好做? 當然係行吓山啦! 川龍位於大帽山山腰, 向下可以行返去荃灣市中心或塘門水塘, 向上可以上大帽山睇吓風景, 視乎個人體力, 量力而為。

【細味‧荃灣】川龍至荃灣市區 – 飲完茶輕鬆落山睇荃灣美景
【細味‧大帽山】大帽山 – 輕鬆上山在世界級風景下打卡

繼續閱讀

行山 / 郊遊
舊建築系列
流行文化
外國景點

參考資料:
川龍西洋菜