Site icon 細味香港

【 細味 ‧ 川龍行山 】川龍至荃灣市區 – 飲完茶輕鬆落山睇荃灣美景

上一篇提到去川龍飲茶食西洋菜, 無理由食完就走, 上得山就梗係行下山啦。 由於川龍係喺大帽山山腰, 所以有幾個簡單的行山徑。 最簡單的就是走上荃錦公路, 接駁至川龍家樂徑。 這條家樂徑短小精悍, 上落不多, 不用半小時便行完一圈。 另一條是乘 51 號巴士或沿荃錦公路走到大帽山道, 沿大帽山道亦麥理浩徑 8 段上大帽山看風景。 而小編這次介紹的, 是由川龍經農場走到荃灣市區, 經本地酒廠、 農場, 飽覽荃灣風景再接駁到愉景新城的天橋, 大概需時個多兩個小時。 今次就跟老編到 川龍行山 一趟啦!

【細味‧茶樓】點解去川龍要飲茶同食西洋菜?因為一樣野有失傳危機!

川龍行山

無論你於哪間茶樓飲茶, 飲完茶都行返上荃錦公路, 經彩龍茶樓旁這條馬路起步。

圖片取自三生酒廠網頁

途中經過三生酒廠, 一直不知道原來由細聽到大的: 「 三生牌鹿茸大補酒 , 係男女強身既妙品、 妙品!」是本地生產的酒。 據三生酒廠網頁介紹, 三生酒廠於 1961 年在深水埗創立, 1970 年遷入荃灣經營, 2000 年 7 月於川龍村興建 1 萬 2 千平方呎的酒廠, 係香港少有的自家製酒品牌。 可惜小編不喝酒, 無法支持。

經過酒廠後不久, 就會看到川龍所剩無幾的農莊, 有興趣的可以購買一些本地有機蔬菜, 支持一下本地農業。

繼續向前走會經過漁農自然護理署。

沿途有路牌指示方向。

此山徑不算太熱門, 沒有太多的修復, 仍是普通山路。

途中有供休息的涼亭。

道路平坦好行, 但樹木繁茂, 天陰日子路面會較暗, 都係嗰句, 行山最好找人結伴同行。

行了若一小時便會到達一個名為 「 大帽山郊野公園觀景台 」 , 本來可以飽覽山下的荃灣至葵青區風景, 且建有指示牌讓人分辨不同建築物。 但由於植物生長得太好, 大部份景觀已被樹木遮蔽, 只剩部分風景。

觀賞完美景後跟著指示牌向城門引水道走。

之後便是落斜路段。

到引水道, 向左走便可以接到城門水塘引水道, 我們向右走, 落荃灣市區。

在這裡可以觀賞更全面的荃灣美景。

沿引水道走, 途中可以見到樓梯繼續往下。

接著便是一連串的樓梯, 膝蓋不好的朋友可要慢慢來。

終於見到地鐵站標誌, 差不多到了, 雖然還有一條樓梯⋯⋯

穿過這條隧道般的天橋, 便到達接駁地鐵與愉景新城的天橋, 返回市區了!

起點交通
1. 荃灣地鐵站 B1 出口, 過天橋到兆和街乘 80 號綠色小巴直達總站
2. 荃灣地鐵站上蓋乘 51 號巴士於川龍村下車

終點交通
1. 荃灣地鐵
2. 大量 M 線巴士

繼續閱讀

行山 / 郊遊
舊建築系列
流行文化
外國景點

細味 ‧ 荃灣

【細味‧荃灣】元荃古道—從荃灣到深井,尋找陶淵明的悠然南山
【細味‧元朗】元荃古道—從元朗到荃灣,路隨人茫茫

Exit mobile version