呢排確診個案日日都萬萬聲，仲失驚無神俾個警示你，心血少啲都入埋院。想遁入深山呼吸吓新鮮空氣，都要你戴住口罩。其實要chill要偷閒未必要長途跋涉，喺尖沙咀都有唔少偷閒位，例如中港碼頭瞭望台，唔敢講係咩秘境地方，但老編每次去到都唔多過十個人，又少人又好風景（世界級既維港景全放題喎！），係一個幾好既唞氣位嚟架！
去 中港碼頭瞭望台 路線
要去中港碼頭瞭望台最簡單當然是乘車到中港碼頭，再搭電梯上去；不過老編有一個更加MM7（正）既方法，就係由尖沙咀地鐵經九龍公園到達，睇完公園景再睇港景，心情都好好多。
首先可以搭地鐵去尖沙咀站A1出口，或乘巴士到金馬倫道過對面馬路。
在A1出口旁有一條樓梯，上去到達九龍公園的入口。
沿著衛生教育展覽及資料中心旁邊的路向前走。
到了第一個分岔口，向右走。（其實直行也可以，但有時候右邊的樹轉了啡色，幾靚，所以走入這條啡色走廊。）
途中經過噴水池，看到有人坐在池邊也很寫意。
呢個位置睇九龍公園靚到好似啲外國公園咁！想去中港城就行左邊條路，雖然again，行右邊都可以～
呢條路的盡頭見到兩幢低矮平房，前身是威菲路軍營，相信建於1890年代末，現在改建為香港文物探知館，有時間不妨一遊。
在路口轉右，又有分岔路，又係兩條都得。老編揀咗左邊嗰條。
左邊是橫跨鳥湖的橋，在橋上不但看鳥，看紅葉也很漂亮！
這個位置有人說像京都庭園！
過了橋轉左向前行，一邊是護土牆，一邊是鳥湖。這個鳥湖從前養了很多不同種類的鳥類，但現在只剩下大量紅鶴，其他如黑天鵝等已經不見了⋯
不過啲紅鶴多到好似睇緊野生動物紀錄片！
鳥湖的對面是一系列護土牆，這幾幢牆肯定歷史悠久，也許可以追溯至19世紀興建威菲路軍營時代！
繼續往前行，路的盡頭就是通往中港城平台天橋的入口！
這條路好像走在龐大的建築物中，留一線天讓人喘息，唞唞氣⋯而遠處的椰樹成為了指標，預告盡頭另有新天地。
走到椰樹下已到了中港城的平台之上。
或者由於沒有太多樹蔭，大白天時往往不是太多人，人與人之間何止相隔1.5米，15米都無問題～
中間是一組海豚雕塑，近年香港很喜歡消費海豚，老編去到大澳虎山又見到，屯門市中心又見到。真心愛護海豚就唔好攪佢地屋企，而家趕走人地又起返啲嘢嚟永遠懷念？除咗偽善我諗唔到其他形容詞。
前望就是中港城碼頭。老老豆豆，呢個金光燦爛既建築老編真係唔識欣賞，不過或者將佢想成黃金戰士呀，鐵甲萬能俠呀之類，笨笨地又老老土土的超合金公仔又幾得意～
好在個天台都鋪得幾靚，仲有啲花糟同啲椅，唔怕曬的話喺度睇中環一帶維港景真係一流！
平台去到末端可以看到西環與西九。
這個瞭望台沒有遮蔭、沒有cafe、沒有太多的打卡位。但如果在尖沙咀附近工作，偷閒閃上來看一看海景，吹吹風，相信也可以在灰暗的日子為自己打打氣，再向前上路！
更多市區休閑路線
將軍澳跨灣大橋 — 康城站出發10分鐘看日落
京士柏山 — 油麻地大量斜路少量樓梯上草地散步
城門谷公園 — 有風車屋的荃灣公園
圓洲角公園 – 15分鐘上標高柱，見證香港「起飛」的小島
Leave a Reply