今時今日從紅磡要到尖沙咀,只需乘搭很興奮的屯馬線,一個站就到。但在老編小時候,只有巴士與小巴的選擇,由於往紅磡的路線會經過永遠在塞車的紅隧附近,所以尖沙咀與紅磡向來都唔fd。最明顯就係旺角到尖沙咀是3公里,紅磡到尖沙咀亦是3公里,由旺角行吓街散吓步,唔覺唔覺就可以去到尖咀,但要由紅磡走到尖沙咀,唔拎住個google map可能都唔知自己行咗去邊。

不過今時已經唔同往日,正當尖沙咀海濱呢幾年封完又開,開完又封,紅磡碼頭以西喺2011年已經整咗個新海濱花園,仲可以睇住維港海景接駁到尖沙咀海濱花園。經呢條路線,就唔駛靠google都可以輕易由紅磡來去尖沙咀。

點解行得咁開心,因為整條路線其實都係新填海出嚟。如果將1915年代的地圖放在現今的地圖上,就會見到整個紅磡灣都被填平,整條海岸線被拉直了!

今次老編由黃埔地鐵出發,經紅磡海濱花園慢慢行到去尖沙咀。

由黃埔 D1 出口出發。

來到地面向右轉進入德安街。

在德安街街尾橫過德豐街,在海名軒與海逸君綽酒店之間的通道前往。這時已經看到一線維港海景。

來到黃埔海濱長廊,對岸的是鯉魚門海峽以及啟德郵輪碼頭,很多人在垂釣。

起首一段是沿著海逸君綽酒店外走,沿路還有一些植物和座椅,很是舒適。

這一段路最特別的是欄杆、座椅甚至固定船隻的纜樁都塗上Tiffany Blue色,都幾IGable。

轉了個彎,欄杆的顏色不同了,因為進入了紅磡碼頭區域了。

紅磡碼頭有船到北角和中環,亦是水上的士的其中一個站。住了在香港幾廿年,老編從來未坐過維港的觀光船,算不算奇怪?還是大部份香港都係咁?

紅磡碼頭對面是前紅磡巴士總站,現時已停用,地方亦被水馬圍住,車輛不得進入,但行人卻可以進入使用。由於地方變相成為行人專用區,很多家長帶同小朋友來嬉戲。據悉這兒將被改作休憩公園,希望當局不要太多規劃,有時,一片空地就是讓孩子玩樂的最佳地方。

車站的旁邊是一座大型Starbucks? 當然不止,拾級而上(或乘扶手電梯上)是兩層高的公共空間,不時間不妨上去hea吓!

紅磡碼頭 — 好似喺外國咁!隱世草地海景chill閒地!
霍米園 — 隱世的日落打卡點
中港碼頭瞭望台 — 留一線天空讓你喘息

過了紅磡碼頭便正式到達紅磡海濱花園。這花園的設計與尖沙咀的海濱花園設計有點不同,近海的一邊沒有任何座椅,反而在內圍近建築物一邊才設有高高低低的小草地、有蓋涼亭。老編覺得這樣設計更好,畢竟坐在岸邊看海景當然好,但同時也阻擋了其他人的視野,把休閑設施設在後排,就算一家大小或一大班朋友聚在一起玩樂,也不怕阻擋別人。

從紅磡碼頭前行大概十分鐘左右就到了盡頭,如果想前往尖沙咀海濱花園,就要轉右上天橋繼續行。

沿途的指示十分清晰,基本上不會走錯路。

走到橋上視野豁然開朗,而且與車路並排而行,不知為何感覺有點超現實~

之後便進入大家熟悉的尖沙咀海濱公園了。

說到尖沙咀海濱公園,最叫人懷念或津津樂道的,還是八十年代那一系列聖誕燈飾,以及曾鼓勵過梅艷芳與張國榮的海景。今天燈飾沒了,巨星也沒了,留下的只有思念。

紅磡走到尖沙咀海濱花園

長度:約 3公里
所需時間:約1小時

小夏威夷徑 — 全下山路,氣都唔喘去遊山玩水
圓洲角公園 – 平易近人的標高柱,見證香港「起飛」的小島