行山/郊遊, 輕鬆行山(3小時以內)

龍脊 — 新手也可以行到揚威國際的行山徑

潮流興行山,翻開社交媒體,行山路線越來越刁鑽,難度隱秘度缺一不可。不過今次老編就反其道而行,介紹一條新手也可以行到,仲要揚威國際的行山路線: 龍脊 。

講得揚威國際,當然有佢威水史。龍脊早喺2004年已經被《時代周刊》(亞洲版)評選為「亞洲最佳市區遠足徑」之一,而Lonely Planet 更指龍脊係「全球最佳遠足徑」之一!係唔係好巴閉呢!唔講咁多,出發!

龍脊 路線

首先用你既方法去到筲箕灣,喺筲箕灣巴士線站轉9號巴士或者小巴,在土地灣站下車。落車後可以喺度睇吓地圖同去埋廁所,因為中途無得去架!

面前基本上只得一條路,跟住人行就OK了。

上山不久,就會經過小小竹林,景色都幾清幽。

龍脊

行咗5分鐘,已經去到高地,視野廣濶,仲可以見到一大片叢林,好爽呀!

山路有好多大大細細既石頭,但只要小心睇就,就一啲都唔難。係易行得嚟又有少少行山feel~

唔駛10分鐘,就見到紅山半島喇!

沿路有好多指示牌,唔駛驚迷路。老編行咁多次山都未見過一條行山徑有咁多指示牌。

途中都有分叉路,但完全唔需要擔心行錯。去到呢個路口轉右就啱喇。

落車行不到半小時,就到了景觀較開揚的山脊位置,已經可以望見石澳村、石澳正灘與石澳高爾夫球會。呢個無敵海景,當然係打卡勝地啦!

龍脊

接著的路段都是泥路,兩旁是低矮的林木,夏天行應該會較曬,最好做足防曬準備。

望落山下是高爾夫球場,加上紅頂小屋,差點懷疑自己身處外國。

龍脊

龍脊得名就係因為其山巒高低起伏,遠看如有飛龍騰雲之氣勢。這類滿有氣勢的照片往往只在高山才能拍到,想不到在龍脊輕輕鬆鬆就得拍到!

龍脊

沿山脊起伏前行,途中可俯瞰石澳和大浪灣的全景及遠眺清水灣半島。

龍脊

中途都有啲山路要上,但鋪砌得好好,每級都不高,可以輕輕鬆鬆拾級而上。

龍脊

上到頂就被三百六十度的優美景色包圍,兩邊都係無敵海景。

龍脊

去到打爛埕頂山呢個牌,就係最後打卡位,跟住就開始落山了。

落山途中,沿路都係森林山路,景觀唔多,老編都無影相了。

石澳道,乘坐從石澳開出的新巴巴士路線9號前往市區。

龍脊可以話係入門級既行山徑,只需半小時就可以上到瞭望點,容易上但又可以看到咁有氣勢的山勢,真係好抵行!果然名不虛傳,所以呢條山徑幾時都旺過旺角!

而且基本上就算唔識睇地圖都唔會落錯車,因為實在超多人落。但無論幾易行都好,自己都要做足功課,因為你唔知自己幾時會誤入歧途或突然無人去,到時你跟邊個?

龍脊

需時
2.5小時(慢行連拍照3小時)

難度
1.5星(1星最易,5星最難)

起點交通

  1. 筲箕灣乘9號巴土
  2. 筲箕灣乘小巴

其他行山路線
元荃古道 — 從荃灣到深井,尋找陶淵明的悠然南山
東澳古道—東涌到大澳 ,入門級難度山徑
更多行山路徑

Leave a Reply