有時見啲IG相，見到一個外形很獨特的裝置，初時還不知道是在香港的。後來才知道原來是東岸公園內，給中環及灣仔繞道的排風口。無論你覺得靚唔靚，都係一個幾特別既裝置。東岸公園聽個名好似好隔涉，其實喺炮台山地鐵或天后地鐵過行去都係十分鐘左右，不過當中隔住好多高樓大廈，今次我哋就由炮台山地鐵出發，穿過石屎叢林，由市中心走去海邊打吓卡，chill吓！
東岸公園 主題區
點樣去東岸公園？
先於炮台山地鐵站A出口出發
過對面馬路到油街
左轉入電氣道
一直走到分叉路口
右轉入屈臣道
走到尾看到東區走廊天橋就到了
有乜好睇好玩？
呢個新開無耐的海岸公園，原來有很多個第一，甚至世一！
全球最大的隧道排風口
這個似花蕊似雞蛋的裝置，徧徧有一個估你唔到的主題「搖曳風帆」。點都好，這個打卡位其實是中環及灣仔繞道的排風口，是香港首個行車隧道空氣淨化系統，更是全世界同類設備中規模最大。
第一條維港內無欄杆的防波提
連接排風口是全港第一條於維港內正式向公眾開放、無欄杆設計的防波堤。近年無論去到邊都有欄杆分隔，好似無咗欄杆啲人就會不停衝出馬路俾車撞死、去海邊跳海死……所以竟然有條無欄杆的防波提，點都係好事！
270度維港兩岸景
平時看維港不是從九龍望向港島就是相反，在這裡可以真正看到維港兩岸，仲唔係世一？
香港之光
這個超大型「VICTORIA HABOUR」維港英文字藝術裝置名為「香港之光」，設計參考中國傳統窗框和屏風工藝，利用燈光呈現維港的五光十色。
草地與單車徑
雖然是假的草地與兜圈的單車徑，但當中也有不少值得打卡的位置，無論是與漂亮女友或小朋友甚至寵物同來都很適合。
多年來老編都覺得香港既然有最漂亮的海港景色，可惜海邊總是給車路佔據，普通人難以接近。喜見近年政府積極發展親水文化，都算一點功德。下次介紹由炮台山走到中環。
繼續睇吓其他路線：
南昌公園 — 南昌站十分鐘坐草地看花
荃灣西至深井 — 沿青山公路看世界級景觀
屯門碼頭 – 一小時去哂兩個屯碼至hit打卡位：幻愛長堤、自肥運動場
Leave a Reply