熱門既紅葉景點如元朗楓香林或流水響往往都山長水又遠,想輕輕鬆鬆打下卡的話,可以考慮一下去 青衣公園 。由地鐵站十分鐘就行到去打卡,係唔係最實惠既呃like之選呢?
其實喺青衣地鐵去青衣公園,網上有人話B出口,有人話C出口。其實兩個出口都得,不過老編就覺得B舒服啲,而且亦都係官方路線。

地鐵站內有大大隻字指示,但一入咗青衣城就無指示架喇。

一路直行,3分鐘左右會到一個分叉位,轉右繼續行。

雖然好似兜返回頭路,但其實唔係,只要堅持繼續行落去,就會見到出路!

見到天橋,過馬路行落去就係喇!係唔係好快到呢?
基本上行到大閘已經見到紅色樹,問都唔駛問。

其實青衣公園最出名呢段「紅葉林」笨唔係楓香林嘅楓葉,而係名為落羽松既杉樹,所以如果真係抱住「好似去咗加拿大睇紅葉」咁既心情過嚟,就會有啲落差。欣賞紅葉如果為咗佢似「日本紅葉」或「加拿大紅葉」會唔會幾無謂呢?畢竟,呢度係香港呀~


而且近睇,落羽松有另一種美態架!

除咗呢個水池,青衣公園仲有兩個小水池,都好呃likable。

如果真係好想睇紅楓葉,就唔好堆喺池邊,行多兩步,走上小丘,嗰度有幾株楓葉,又有另一種風情架。



青衣公園
需時
1小時
難度
0星(1星最易,5星最難)
交通
青衣地鐵站B出口步行10分鐘
Leave a Reply