俗語話唔怕改壞名真係無錯既，如果你無姜濤咁既樣，想約個心儀女神去街，但一開口就同人講：我想約你去「機場核心計劃展覽中心」……相信未講完已經被女神反白眼反到上太空。但如果你係約女神去「霍米園 Homi Villa」睇日落，或者女神會俾個機會你幫佢打吓卡。
霍米園 又名白樓，個名咁有異國風情，因為佢真係外國人起既。1930年代初，印度商人 J·H·律敦治於深井興建香港首座釀酒廠，（後來賣給生力啤酒廠）故此在附近興建「白樓」作別墅。未有青馬大橋前，這兒俯瞰馬灣海峽，景色壯麗。老編每次搭巴士經過都對呢間白屋好好奇，成日幻想一天可以去參觀一下。估唔到呢個願望係可以成真！
想去霍米園可以搭巴士53、234B喺海美灣站落，車尾方向行兩分鐘就到了。另外亦可從荃灣西鐵站慢步或跑過來。
今時今日老編可以走入呢間差唔多有一百年歷史既建築物，係因為二次大戰後，香港政府收購了白樓，用作公務員宿舍，前財政司夏鼎基爵士就曾於1973年入住。後來在1995年，這兒闢作介紹《香港機場核心計劃》之用。2019年霍米園更被納入活化歷史建築夥伴計劃的名單內，喜的是應該不會清拆，憂的是不知「活化」後會否變成貴價商店食肆，貧民勿近。
霍米園是一幢單層樓房，是很典型20世紀初結合新古典主義與殖民地風格的建築，簡單但精緻。最特別的是入口建有彎形台階、圍著大樓的走廊，以及樽形裝飾的欄杆。至於室內的機場核心計劃展覽，有興趣就自己慢慢睇啦，老編就唔介紹喇。
霍米園外圍有個小小的庭園，可以眺望馬灣及青馬大橋，風景當然是無敵啦！
在古典的建築內看日落，實在很有言情小說的愛情感覺，打卡一流。
除了在庭園觀賞，也可以上到天台平台，遠眺對岸的山巒景色，在夕陽的照射下，有如沾上金光的水黑畫。
這間小小的白樓沒有太大的名氣，佔地小小的，也沒有很多人介紹。或許正是如此，才沒有被翻天覆地的「活化」。雖然加了亳不搭調的不銹鋼扶手和盲人地磚，（老編相信絕對有更好的設計可挑選）大概的原形還在（過多幾年不敢說）。或許正如莊子所說，這就是無用之用了。
霍米園 Homi Villa （機場核心計劃展覽中心）
荃灣出發
乘巴士或小巴到海美灣站，行2分鐘
巴士：53 從如心廣場出發；234A、234B 荃灣西鐵路總站出發
小巴：96 全城匯出發
屯門出發
乘車到屯門轉車站，轉乘53巴士到海美灣站，過天橋到對面
延伸景點
霍米園大概遊半小時就夠了，如果覺得未夠喉，可以到附近的麗都灣遊玩。
要到麗都灣，只需在霍米園向荃灣方向走若15分鐘左右便到。不過最近沙灘關閉未能前往，但亦可沿青山公路欣賞青馬大橋與汀九橋的風景。
更多簡易路線：
沈雲山 — 好有日本feel！全斜路20分鐘走上沈雲山看飛鵝山
亞洲協會香港中心 – 金鐘站十分鐘走到香港 CBD 森林秘境
樂富配水庫休憩公園 — 15分鐘從樂富站走到青草地看獅子山
Leave a Reply