沈雲山 — 好有日本feel！全斜路20分鐘走上沈雲山看飛鵝山

沈雲山 ， 人名嚟架？ 我估除咗街坊， 未必好多人知道香港有個叫沈雲山既山。 呢個有人譽為觀塘後花園的沈雲山夾在順安邨與牛頭角之間， 俗稱為水塘山。 沈雲山既山頂同好多市區既山一樣， 建有配水庫花園， 在此看飛鵝山， 有種在河口湖看富士山的感覺。 有空不妨幻想一下自己去咗日本一轉！

順利邨道上沈雲山路線

很多介紹沈雲山的路線都是由觀塘出發， 沿振華道晨運徑上山， 但膝頭哥唔係咁好的老編又搵到條全斜路的路線， 只需 20 分鐘同樣可以上到沈雲山！

第一步是到順安邨， 老編搭的是 95 號巴士， 在安頌樓站下車。

下車以後向右， 沿著順利邨道行。

到了路口過對面馬路。

向前行不久就見到一條上山路， 見到寫著觀塘高地食水配水庫就啱喇！

由於是車路， 斜度不高而且路況非常好， 十分容易行。

十分鐘左右已經到了半山， 回望看到秀茂坪一帶的屋邨。

不久就到了一個急彎， 已經差不多到達了。

路旁有一些芒草與不知名的草。

繼續往上走有一個頗有規模的涼亭， 有一些明顯是康文署建的枱椅， 亦有一些應該是晨運客搬上來的椅子， 晨早時份相信是很熱鬧的。

繼續往上行， 見到一個「 巨型的山 」- 飛鵝山。 第一眼見到時， 竟然有種在日本見到富士山的感覺！

去到山頂， 可以同時見到飛鵝山與獅子山， 感覺非常開揚。

一如所有配水庫公園， 都有一大片草地與跑道， 是十分舒服的休憩場地。

在運動場一邊， 可以看到遠至維港的景致！

運動場末段設有一些康樂設施。

這兒的風景更加開揚。

想落山當然走回頭路便可以， 亦可以在運動場尾的樓梯直接落山。

下了山大概再走 5 分鐘就看到一個樓梯口， 如果不想回順安邨， 可以在這兒經樓梯走到牛頭角。

中段有停頓位， 可以在此稍事休息。

如果一口氣落山， 行樓梯約 15 分鐘就會到振華道。

這兒有若干巴士， 亦可以乘小巴到觀塘離開。

沈雲山

需時
20 分鐘

難度
0.5 星（ 1 星最易， 5 星最難）

起點交通
1. 九巴 14H ， 23 ， 23M ， 95

終點交通

1. 九巴 13X ， 288 ， 213X
2. 經振華道轉入康寧道落裕民坊去觀塘地鐵

參考資料
沈雲山（維基百科）
https://zh.wikipedia.org/wiki/%E6%B2%88%E9%9B%B2%E5%B1%B1

更多行山路線
藍地水塘 — 嶺南大學斜路上藍地水塘，過藍地大街買懷舊小食
慈沙古道 — 在市區行古道
千島湖 清景台 — 從屯門到元朗，睇湖景再偶遇芒草與紅葉

_26.12.21